‘संगणक प्रकाशन’ विषयी…

ॲमेझॉन वा फ्लिपकार्ट वर पुस्तके खरेदी करणाऱ्या वाचकांना ‘संगणक प्रकाशन’ हे नाव नवे नाही. ‘संगणक’ ने १५० हून अधिक ख्यातनाम प्रकाशकांची अक्षरशः हजारो पुस्तके ‘ॲमेझॉन’ – ‘फ्लिपकार्ट’ वर उपलब्ध केली आहेत. ऑनलाईन पुस्तक खरेदीसाठी ‘संगणक प्रकाशन’ हे पूर्ण विश्वासार्ह असे नाव आहे.

मराठी ईबुक्स ची निर्मिती

छापिल पुस्तकांबरोबर ‘संगणक प्रकाशन’ ने गेली दोन दशके दर्जेदार ईबुक्सचीही निर्मिती केली. २००५ साली नाशिक येथील साहित्य संमेलनाच्या पुस्तक प्रदर्शनात अध्यक्ष प्रा. केशव मेश्राम यांच्या हस्ते ‘समग्र राम गणेश गडकरी साहित्य’ या ईबुक सीडीचे प्रकाशन झाले. सतरा वर्षांपूर्वी लोकांना PDF म्हणजे काय हे समजावून सांगावे लागत असे यावर आज कोणी विश्वासही ठेवणार नाही. मात्र, तरीही फक्त ₹९९ किंमतीची ‘समग्र गडकरी’ ह्या सीडीची पहिली आवृत्ती नाशिकच्या अखिल भारतीय मराठी साहित्य संमेलनात हातोहात संपली. ‘संगणक प्रकाशन’ ने पाठोपाठ लक्ष्मीबाई टिळक यांचे ‘संपूर्ण स्मृतिचित्रे’ हे ईबुक लक्ष्मीबाईंचे नातू श्री. अशोकराव टिळक यांच्या हस्ते नाशिक येथे प्रकाशित केले. महाराष्ट्र नॉलेज कॉर्पोरेशन चे मा. विवेक सावंत यांनी नाशिकच्या त्या प्रकाशन समारंभात श्रोत्यांना ईबुकचे महत्व समजावून सांगितले. आज सर्वच जण ईबुक्स बद्दल चर्चा करतात. मात्र, ‘संगणक प्रकाशन’ ही मराठी पुस्तकांच्या ईबुक्सची निर्मिती सुरू करणाऱ्या सर्वांत जुन्या व अनुभवी संस्थांपैकी एक आहे

ॲमेझॉन व फ्लिपकार्ट वर मराठी पुस्तकांचे वितरण करणारी अधिकृत व अग्रेसर संस्था – संगणक प्रकाशन

मराठी प्रकाशक मग ते ‘मौज’ असो की ‘ग्रंथाली’ , ‘श्रीविद्या’ असो की ‘पद्मगंधा’, ‘मेनका’ असो की ‘राजहंस’, ‘रोहन’ असो की ‘युनिक फीचर्स’ वा ‘समकालिन’, जवळपास सर्वच लहानमोठ्या मराठी प्रकाशकांची पुस्तके आज ‘संगणक प्रकाशन’ ने ‘ॲमेझॉन’ व ‘फ्लिपकार्ट’ वर वितरित केली आहेत. ऑनलाईन पुस्तक विक्रीचे आधुनिक माध्यम लोकप्रिय झाले असल्याने, व संगणक प्रकाशन सारखी विश्वासार्ह-अनुभवी संस्था संपर्कासाठी उपलब्ध असल्याने आज लहानातला लहान प्रकाशक व लेखक आपली पुस्तके घेऊन ‘संगणक प्रकाशन’ कडे येतो, आणि संगणक प्रकाशन मध्ये त्याचे स्वागत होत असते.